Salumahing rina
Sakureping wengi
Kinira jroning kinira
Lelembut tan kasatmata
Angebaki jembaring dirgantara
Nyigar jagading bebrayan
Orak-arik obah-ubenging pranatan
Kabeh iku kasunyatan
“ana iku ana”
Awit ana ananing ana
“ana iku ana”
Sapa nandur bakal panen
“ana iku ana”
Wiwitan lan pungkasan
Aja ming crita, aja ming kandha
Ati kanthi ati, klawan ati ati
Rasa klawan rasa kanthi ditindakna
“gajah kalungan bendho”
Ana karep mbangun
Saperangan ngalang ngalangi
Sakureping wengi
Salumahing rina.
Sastrowidjojo,22072020
