Suaradesa.co (Bojonegoro) – Ning endi-endi mbahase wenehan, ning endi-endi sambat ora oleh wenehan terus maido sak nggon-nggon. Bedo karo Suyoto wong Sumberagung Kecamatan Kepohbaru luwih apik mundur alon-alon soko wenehan PKH timbang diwenehi terus ora sido mandiri-mandiri.
Suyoto wis moh diwenehi PKH mergo ngroso wis ndue, mundur pas kahanan serba ambyar kui masuk golongan wong matoh tenin lan gagah. Wis ngroso isin rutinan diwenehi lan ngantri njukuk wenehan PKH.
“Aku ngroso wis ndue lan kecukupan ora pantes meneh diwenehi PKH, kulo mundur mawon kersane ati kulo ayem tentrem,” curhate mas Suyoto sing gagah gede dukur.
Om Kades Sumberagung Rifa’i, nyengkuyung onok wargane soko krenteg atine mundur soko PKH, ora dipekso sopo-sopo lan ora dirayu sopo-sopo. Sikap kui apik ditiru kanggo liyane ora malah goro-goro wenehan do maido trus arep-arep oleh wenehan.
“Coromono sikape mas Yoto ki angel digoleki kembarane, mundur soko PKH pas lagi kahanan serba ambyar-ambyare. Koyok wong-wong sing lagi seneng-senenge oleh wenehan, ndekne malah mundur alon-alon ben atine ayem tentrem ora kemrungsung,” kandane om Kades sing ndue brengos koyok artis ibukota.
Mundur soko PKH kui ora perkoro entuk opo ora, tapi perkoro pantes opo ora nompo wenehan PKH. Mugo-mugo wae Mas Suyoto iso dadi conto liyane sing wis ora pantes nompo PKH, wis ora pantes nompo mergo wis ndue sawah ombo lan honda puluhan.(*)
